რომან გოცირიძე - ვეტოს დაძლევა არ უნდა მოხდეს, უმრავლესობა უნდა მიხვდეს, რა დიდი შეცდომები აქვს ჩადენილი საზოგადოებრივ მაუწყებელთან დაკავშირებით

„ნაციონალური მოძრაობის“ წევრის, რომან გოცირიძის განცხადებით, უმრავლესობამ საზოგადოებრივ მაუწყებელთან დაკავშირებით პრეზიდენტის ვეტო არ უნდა დაძლიოს და უნდა მიხვდეს, რა დიდი შეცდომები აქვს ჩადენილი საზოგადოებრივ მაუწყებელთან დაკავშირებით. როგორც რომან გოცირიძემ ჟურნალისტებთან საუბრისას განაცხადა, სახელმწიფო მრავალმილიონიან ტელევიზიას უპირატეს მდგომარებაში აყენებს.

„დიდი ხანია ვამბობთ, რომ საზოგადოებრივ მაუწყებელში ძალიან სერიოზული პრობლემებია. გუშინ ძალიან სერიოზული განცხადება გაკეთდა რეგიონული მაუწყებლების მიერ, რომლებიც მოითხოვენ დეპუტატების მხრიდან, გაემიჯნონ საზოგადოებრივი მაუწყებლის საბჭოს ზოგიერთი წევრის მიერ გამოთქმულ სხვადასხვა აგრესიულ, ჰომოფობიურ, არასამთავრობო სექტორის მაკომპრომეტირებელ განცხადებებს. ჩვენ მხარს ვუჭერთ რეგიონულ მაუწყებლებს. რაც შეეხება კანონს, ვეტო არ უნდა იქნას დაძლეული და უმრავლესობა უნდა მიხდვეს, რა დიდი შეცდომები აქვს ჩადენილი საზოგადოებრივ მაუწყებელთან დაკავშირებით, არ უნდა შეუშალონ ხელი დამოუკიდებელი მედიის შექმნას და რეგიონული მედიის განვითარებას. ეს არის სახელმწიფოს მიერ მრავალმილიონიანი ტელევიზიის ჩაყენება უპირატეს მდგომარეობაში. რაც არ გამოადგება ქვეყნის დემოკრატიულ განვითარებას“, – განაცხადა რომან გოცირიძემ.

შეგახსენებთ, რომ საზოგადოებრივ მაუწყებელთან დაკავშირებით კანონში ცვლილებებს პრეზიდენტმა ვეტო დაადო.

ალექსეი მალაშენკო - სირიაში ყველაფერი ისევ ისე იქნება, როგორც აქამდე იყო,  ბაშარ ასადის შესანარჩუნებლად მოსკოვს ანკარასთან და თეირანთან კომპრომისებზე წასვლა უწევს
ქართული პრესის მიმოხილვა 19.09.2019
„სოფლად ცხოვრება, როგორც ტურისტული პროდუქტი” - რა იგეგმება ბათუმში 20-21 სექტემბერს?
საქართველოს საგარეო პოლიტიკა - ნაბიჯები მომავლისკენ
BDO-მ მე-4 კატეგორიის კომპანიების მომსახურებისთვის სპეციალური გუნდი გამოყო
რა მავნე ნივთიერებები აღმოაჩინა ჰამბურგის ლაბორატორიამ საქართველოდან გაგზავნილი თუთუნის შემადგენლობაში