“ევროპული საქართველო“ პარლამენტში საგარეო საქმეთა მინისტრს იბარებს და მისგან ახსნას ითხოვს, რატომ არ უერთდება საქართველო რუსეთის წინააღმდეგ დაწესებულ სანქციებს.

“საჭიროა პარლამენტში მოვიდეს საგარეო საქმეთა მინისტრი. მთავრობა თავს არიდებს პასუხს კითხვაზე, ვიღებთ თუ არა უკრაინული მხარის შემოთავაზებას, რუსეთის წინააღმდეგ სანქციების რეჟიმზე შეერთებასთან დაკავშირებით. ჩვენ ძალიან კარგად ვიცით და ბოლო წლებში ვნახეთ, რომ საქართველოს მთავრობა ცოცხალი თავით არ უერთდება ევროკავშირისა და აშშ-ს სანქციებს რუსეთის მიმართ. ამიტომ იქნებ აუხსნათ საზოგადოებას, რატომ არ უერთდებით სანქციებს - გეშინიათ რუსეთის გაღიზიანების, ბატონი ბიძინა არ გაძლევთ ამის უფლებას თუ რაშია საქმე?“ - განაცხადა პარლამენტის ვიცე-სპიკერმა სერგი კაპანაძემ.

მისივე თქმით, საგარეო საქმეთა მინისტრმა პარლამენტში ანტიანექსიური პოლიტიკის თაობაზეც უნდა ისაუბროს.