უვადო მოსამართლეობის მსურველი კანდიდატებიდან გასაუბრებაზე ანა დოლიძის აცილება კიდევ ორმა კანდიდატმა მოითხოვა

იუსტიციის უმაღლეს საბჭოში, სადაც უვადო მოსამართლეობის მსურველ კანდიდატებთან გასაუბრება მიმდინარეობს, გასაუბრების პროცესში ანა დოლიძის აცილება კიდევ ორმა კანდიდატმა - მერაბ ლომიძემ და ლეილა მამულაშვილმა მოითხოვა.

მერაბ ლომიძემ აცილების მიზეზად დოლიძის 6 თებერვლის განცხადება დაასახელა, რომლის თანახმად "ზურაბ ადეიშვილის ნარჩენებისგან მიმდინარეობს გადამწყვეტი ბრძოლა, რომ სასამართლო ხელისუფლებაში ძალაუფლება შეინარჩუნონ". ლომიძის თქმით, ამგვარი განცხადების ფონზე ანა დოლიძე კანდიდატების შეფასებისას ობიექტური არ იქნება.

"მოვითხოვე ანა დოლიძის აცილება,რადგან ანა დოლიძემ 6 თებერვალს საკამაოდ უარყოფითი დამოკიდებულება გამოხატა წინა წლებში დანიშნული მოსამართლეების მიმართ. ასეთი ტერმინებით მოსამართლეების მოხსენიება ჩემთვის მიუღებელია. გარდა ამისა, მიგვაჩნია,რომ ანა დოლიძე ცდილობს სასამართლო სისტემაში შემოიტანოს პოლიტიკური მოტივები. ჩვენთვის, ცხადია, ეს მიუღებელია, რადგან იუსტიციის უმაღლესი საბჭო ყოველგვარი პოლიტიკური გავლენისგან თავისუფალი უნდა იყოს. აქედან გამომდინარე მიმაჩნდა, რომ დოლიძე ვერ იქნებოდა ობიექტური ჩვენს მიმართ, ვინაიდან მან ასეთი მოსამართლეების სასამართლო სისტემიდან გათავისუფლება დაანონსა",- განაცხადა ლომიძემ.

შეგახსენებთ, რომ მერაბ ლომიძე თბილისის სააპელაციო სასამართლოში სამი წლით გამოსაცდელი ვადით არის დანიშნული.

რაც შეეხება ლეილა მამულაშვილის პოზიციას, ანა დოლიძის აცილების მიზეზთან დაავშირებით მას განცხადება არ გაუკეთებია.

აღსანიშნავია, რომ ამ დროისთვის, უვადო მოსამართლეობის მსურველი 51 კანდიდატიდან ანა დოლიძის აცილება უკვე ოთხმა კანდიდატმა დააყენა. ესენი არიან: გიორგი გოგინაშვილი, რევაზ ნადარაია, ლეილა მამულაშვილი და მერაბ ლომიძე. იუსტიციის უმაღლესი საბჭო უვადო მოსამართლეობის მსურველ კანდიდატებთან გასაუბრებას 8 თებერვალს დაასრულებს.

დავით ნარმანია - თუ არ გვინდა გაგვიძვირდეს ტარიფები, უნდა ავაშენოთ ჰესები
ქართული პრესის მიმოხილვა 23.10.2019
დიმიტრი შველიძე  -  მომავალი პარლამენტი ნაყიდი დეპუტატებით და ფრაქციებით აივსება
„პროკრედიტ ბანკი“ მომხმარებლებს ელექტრო მანქანის შესაძენად დაფინანსების ახალ შესაძლებლობას სთავაზობს
საქართველოში პირველად, უძრავი ქონების სკოლა Reschool გაიხსნება
კრისტალის საჭადრაკო ბლიც-თამაში "ყველა ქალი ჩემპიონია"
სასტუმრო „რადისონ ბლუ ივერიამ“ 10 წლის იუბილე აღნიშნა