შპს „ლანცეტის“ დირექტორის ფარმან ჯეირანლის საქმეზე სასამართლო სხდომა დღეს, ბრალდებულის საბოლოო სიტყვით გაგრძელდება, რის შემდეგაც მოსამართლე მაია ქოქიაშვილი გადაწყვეტილების მისაღებად გავა.
6 თებერვლის პროცესზე დაცვის მხარემ დასკვნითი სიტყვა წარმოთქვა და ყურადღება კიდევ ერთხელ გაამახვილა ფარმან ჯეირანლის უდანაშაულობაზე. დასკვნითი სიტყვის შემდეგ მხარეებმა რეპლიკებით ისარგებლეს.
რეპლიკების შემდეგ მოსამართლემ განმარტა, რომ გადატვირთული გრაფიკის გამო სასამართლო ბრალდებულის საბოლოო სიტყვას ვერ მოისმენდა, რის გამოც სხდომა 8 თებერვალს, 10:00 საათისთვის გადაიდო.
მთავარი პროკურატურა შპს ”ლანცეტის” დირექტორს პაციენტებისგან დიდი ოდენობით თანხის მოტყუებით დაუფლებას ედავება.