იუსტიციის უმაღლესი საბჭო უვადო მოსამართლეობის მსურველ კანდიდატებთან გასაუბრების ეტაპს დღეს დაასრულებს. აღასანიშნავია, რომ უვადო მოსამართლეობის სურვილი 51-მა მოსამართლემ გამოთქვა. დღეს იუსტიციის საბჭოს წევრები დარჩენილ 17 კანდიდატს გაესაუბრებიან. ვინ გახდება უვადოდ მოსამართლე, ეს კენჭისყრის შემდეგ გახდება ცნობილი.

აღსანიშნავია, რომ იუსტიციის უმაღლესი საბჭო უვადო მოსამართლეობის მსურველ კანდიდატებს ორი მთავარი კრიტერიუმის - კეთილსინდისიერებისა და კომპეტენციის გათვალისწინებით არჩევს.

გასაუბრების პროცედურებზე ისაუბრა ჟურნალისტებთან იუსტიციის უმაღლესი საბჭოს მდივანმა გიორგი მიქაუტაძემ.

"იუსტიციის უმაღლესი საბჭოს წევრები გაესაუბრებიან იმ 17 წევრს, რომელსაც განცხადება აქვს შემოტანილი უვადოდ გადანიშვნის თაობაზე. ამის შემდეგ, საბჭოს თითოეული წევრი შეფასების ფურცლებს შეავსებს და სხვადასხვა კრიტერიუმების მიხედვით შეაფასებს თითოეულ კანდიდატს. შემდეგ ეს შეფასებები დაჯამდება და მოსამართლის შეფასებების უკვე ერთიან სურათს მივიღებთ, რის შემდეგაც კენჭისყრა დაინიშნება. კენჭისყრის პროცედურებით გადაწყდება, თუ ვინ განწესდება უვადოდ ამ მოსამართლეებიდან", - განაცხადა მიქაუტაძემ.

იუსტიციის უმაღლესი საბჭო უვადო მოსამართლეობის მსურველ კანდიდატებთან გასაუბრებას უკვე მესამე დღეა აწარმოებს.