გამოკითხული ამერიკელების 40% აშშ-ს პრეზიდენტის დონალდ ტრამპის საქმიანობას მხარს უჭერს. აღნიშნულს ცხადყოფს ქვინიპეკის უნივერსიტეტის მიერ ჩატარებული გამოკითხვა.
გამოკითხვაში მონაწილე რესპონდენტებმა პირველ რიგში დონალდ ტრამპის მიღწევები აღნიშნეს ეკონომიკის სფეროში.
აღსანიშნავია, რომ ბოლო შვიდი თვის განმავლობაში ქვინიპეკის უნივერსიტეტის მიერ ჩატარებულ ანალოგიურ გამოკითხვებში ეს დონალდ ტრამპის რეიტინგის ყველაზე მაღალი მაჩვენებელია.
რესპონდენტთა 51% იწონებს თუ როგორ წყვეტს აშშ-ს პრეზიდენტი ეკონომიკურ საკითხებს. გამოკითხულების 70%-მა კი განაცხადა, რომ აშშ-ს ეკონომიკა შესანიშნავ მდგომარეობაშია.
ასევე აღსანიშნავია, რომ გამოკითხული რესპონდენტების 48%-მა განაცხადა, რომ აშშ-ს ეკონომიკის პოზიტიური მდგომარეობა დონალდ ტრამპის და არა ბარაქ ობამას დამსახურებაა.