ღუდუშაურის კლინიკაში, სადაც დოდო გუგეშაშვილია მოთავსებული, უსაფრთხოებას საავადმყოფოს დაცვის თანამშრომლებთან ერთად სამართალდამცავებიც იცავენ, - ამის შესახებ ჟურნალისტებს კლინიკის კრიტიკული მედიცინის დეპარტამენტის ხელმძღვანელმა განუცხადა.

რაც შეეხება უშუალოდ გუგეშაშვილის ჯანმრთელობის მდგომარეობას, ის მართვით სუნთქვაზე რჩება.

"დოდო გუგეშაშვილის ჯანმრთელობის მდგომარეობა სტაბილურად მძიმე რჩაბა. პაციენტი ხელოვნურ სუნთქვაზეა, საძილე პრეპარატების გავლენის ქვეშ. სასიცოცხლო მაჩვენებლები სტაბილურია. დღევანდელი დღისთვის რაიმე გართულებას ან ახალ პრობლემას ადგილი არ ჰქონია. გრძელდება მკურნალობა, შეფასება, მდგომარეობის შესწავლა. ვნახოთ, როგორ გაგრძელდება.

რაც შეეხება უსაფრთხოებას, მას იცავენ შესაბამისი პირები - როგორც კლინიკის დაცვის თანამშრომლები, ასევე სამართალდამცავები", - განაცხადა ნიკოლოზ ქარცივაძემ.