ბენიამინ ნეთანიაჰუ აცხადებს, რომ მმართველი კოალიცია სტაბილურია და ვადამდელი არჩევნების ჩატარების გეგმა არავის აქვს

ისრაელის პრემიერ-მინისტრ ბენიამინ ნეთანიაჰუს განცხადებით, მისი მმართველი კოალიცია სტაბილურია და ვადამდელი არჩევნების ჩატარების გეგმა არავის აქვს.

მისი თქმით, მთავრობა, რომელსაც ის უძღვება, უფლებამოსილების ამოწურვის ვადამდე აპირებს მუშაობას.

„მინდა დაგარწმუნოთ, რომ ჩვენი კოალიცია სტაბილურია. არავინ არ აპირებს არჩევნებზე წასვლას. ჩვენ განვაგრძობთ მუშაობას ისრაელის მოქალაქეების სასიკეთოდ უფლებამოსილების ამოწურვის ვადამდე“, - განაცხადა ისრაელის პრემიერ-მინისტრმა.

გუშინ ისრაელის პოლიციამ განაცხადა, რომ შეგროვებულია საკმარისი მტკიცებულებები, რათა ისრაელის პრემიერ-მინისტრ ბენიამინ ნეთანიაჰუს კორუფციაში, თაღლითობაში და ნდობის ბოროტად გამოყენებაში ბრალი ორ საქმეზე წაეყენოს.