16 თებერვალს ქუთაისში კინოთეატრი „საქართველო“ იხსნება. კომპანიის წარმომადგენლების ინფორმაციით, მუშაობა თავდაპირველად ტექნიკურ რეჟიმში დაიწყება და წარმოდგენილი იქნება სხვადასხვა ჟანრის ფილმები. კინოთეატრის რეაბილიტაცია რამდენიმე წელი მიმდინარეობდა, მასში დაახლოებით 10 მილიონის ინვესტიცია განხორციელდა. კინოთეატრს აქვს 6 კინოდარბაზი (ამათგან 2 - 130 ადგილიანი, 2 - 67 ადგილიანი და 2 VIP დარბაზი ).

კინოთეატრში ფილმების ჩვენება მოხდება 3D ფორმატში.

21 თებერვალს გაიმართება რეჟისორ ნიკოლოზ ხომასურიძის მხატვრული ფილმის "ექვთიმე ღვთისკაცი" პრემიერა. ჩვენებას ექვთიმეს როლის შემსრულებელი მსახიობი რეზო ჩხიკვიშვილი დაესწრება.