თურქეთის პოლიციამ ანკარაში ანტიამერიკული აქციის მონაწილეების წინააღმდეგ ცრემლსადენი გაზი გამოიყენა. აქცია ოპოზიციური პარტია „სამშობლოს“ ახალგაზრდულმა ფრთამ ჩაატარა და თურქეთში აშშ-ს სახელმწიფო მდივნის რექს ტილერსონის ვიზიტს უკავშირდება.
საპროტესტო აქცია Ankara Palace-ის სასტუმროსთან მიმდინარეობს, სადაც რექს ტილერსონისა და მისი თურქი კოლეგის მევლუთ ჩავუშოღლუს პრესკონფერენციაა დაგეგმილი. აქციაში 150 კაცი მონაწილეობს. მათ ანკარას მერიისგან აქციის ჩატარების ნებართვა არ მიუღიათ.
აქციის მონაწილეები სკანდირებდნენ: „ამერიკა ჩვენი ჯარისკაცების მკვლელია“, „წყეული იყოს „ქურთისტანის მუშათა პარტია“ და მისი მოკავშირე აშშ“, „მკვლელო ტილერსონო, დატოვე თურქეთი“.