თბილისის საკრებულომ 2018 წლის ბიუჯეტის პროექტში ცვლილება შეიტანა

თბილისის საკრებულომ 2018 წლის ბიუჯეტის პროექტში ცვლილება შეიტანა. სხდომაზე საკითხს მხარი 33 დეპუტატმა დაუჭირა, 5 კი წინააღმდეგი იყო.

ბიუჯეტის კორექტირებული ვერსია სხდომაზე თბილისის მერის მოადგილემ ირაკლი ხმალაძემ წარმოადგინა. პროექტის განხილვას დეპუტატებს შორის დიდი დისკუსია მოჰყვა. ხმალაძის თქმით, თბილისის 2018 წლის ბიუჯეტი, რომელიც 861 მილიონ ლარს შეადგენს, 897 მილიონ ლარამდე იზრდება. აღნიშნული ზრდა გასული წლის ბოლოს გადაჭარბებულმა შემოსავლებმა და ეკონომიებმა განაპირობა, რომელიც ჯამში 35 მილიონ ლარს შეადგენდა.

თანხის ძირითადი ნაწილი საზოგადოებრივი ტრანსპორტის განვითარებას მოხმარდება. კერძოდ, დაგეგმილია 100 ახალი ავტობუსის შემოყვანა. ხმალაძის განცხადებით, შემდგომ წლებში ავტოპარკი უფრო მეტად განახლდება. ამასთან, 4 მილიონ 100 ათასი ლარით გაიზრდება საბავშვო ბაგა-ბაღების რეაბილიტაციისთვის განკუთვნილი თანხები.

ირაკლი ხმალაძემ აღნიშნა, რომ რამდენიმე ბაღში ავარიული მდგომარეობის გამო ბავშვები სხვადასხვა ბაღებში არიან გადანაწილებული და ამ ბაღების რეაბილიტაცია უნდა მოხდეს. ასევე, 4 მილიონ ლარამდე გაიზრდება გამწვანებისა და მოვლა-პატრონობის ღონისძიებების დაფინანსება.

მეტროს სადგურების რეაბილიტაციასთან დაკავშირებით ირაკლი ხმალაძემ განმარტა, რომ დაგეგმილი იყო 11 მეტროს სადგურის რეაბილიტაცია, თუმცა ექსპერტიზის ჩატარების შემდეგ 7 მეტროს სადგური შეირჩევა, შესაბამისად, დაფინანსება 5 მილიონი ლარით შემცირდება. აღნიშნული თანხა კი 100 ახალი ავტობუსის შეძენას მოხმარდება. მან ასევე ისაუბრა ბიუჯეტში განხორციელებულ სხვა ცვლილებებზე.

ბიუჯეტის კორექტირების ერთ-ერთი მიზეზი, მისივე თქმით, მერიის სტრუქტურებში მომხდარი რეორგანიზაცია, ახალი აიპებისა და შპს-ების შექმნაცაა.

ალექსეი მალაშენკო - სირიაში ყველაფერი ისევ ისე იქნება, როგორც აქამდე იყო,  ბაშარ ასადის შესანარჩუნებლად მოსკოვს ანკარასთან და თეირანთან კომპრომისებზე წასვლა უწევს
ქართული პრესის მიმოხილვა 20.09.2019
„სოფლად ცხოვრება, როგორც ტურისტული პროდუქტი” - რა იგეგმება ბათუმში 20-21 სექტემბერს?
საქართველოს საგარეო პოლიტიკა - ნაბიჯები მომავლისკენ
"ჩიპოლინო" – ევროპული საბავშვო აქსესუარები "ავერსის" ქსელში
დღეიდან, ლიბერთის ბარათით Apple Pay-ს საშუალებით გადახდისას ლიბერთის მომხმარებელი 5%-იან ქეშბექს მიიღებს
"ბაზისბანკის" შვილობილი კომპანია „ბი ეიჩ ელ ლიზინგი’’ მომხმარებელს ბაზარზე საუკეთესო პირობებს სთავაზობს
BDO-მ მე-4 კატეგორიის კომპანიების მომსახურებისთვის სპეციალური გუნდი გამოყო
რა მავნე ნივთიერებები აღმოაჩინა ჰამბურგის ლაბორატორიამ საქართველოდან გაგზავნილი თუთუნის შემადგენლობაში