გორის რაიონში CO-თი ორი ადამიანი მოიწამლა

CO-თი ინტოქსიკაციით გორის სამედიცინო ცენტრ ,,გორმედში“ სოფელ ზემო სობისიდან ორი ადამიანი გადაიყვანეს. 59 წლის ბებია და მისი 15 წლის შვილიშვილი ბუნებრივი აირის ნამწვით მოიწამლნენ.

ოთახში, სადაც ბებია და შვილიშვილი იმყოფებოდა, გაზის გამათბობელია დამონტაჟებული. ,,გორმედში“ აცხადებენ, რომ სტაციონარში მოთავსებისას პაციენტებს ყველა საჭირო დახმარება დროულად გაეწიათ და მათი ჯანმრთელობის მდგომარეობა ამჟამად სტაბილურია.

,,CO-თი ინტოქსიკაციით სოფელ ზემო სობისიდან სასწრაფო დახმარების ჯგუფმა ,,გორმედში“ ორი პაციენტი შემოიყვანა. ორივე მათგანს დაუყოვნებლივ გაეწია საჭირო სამედიცინო დახმარება, შესაბამისად, მათი ჯანმრთელობის მდგომარეობა დასტაბილურდა და სტაციონარიდან გაწერის გადაწყვეტილებაც მივიღეთ“, - აცხადებს ,,გორმედის“ ექიმი ნინო ტაბატაძე.