გარემოსდაცვითი ზედამხედველობის დეპატრტამენტის სამეგრელო-ზემო სვანეთის სამმართველოს უფროსმა ბაკურ გულუამ თანმადებობა დატოვა.

როგორც „ინტერპრესნიუსს“ დეპარტამენტში განუცხადეს, მან თანამდებობა პირადი განცხადების საფუძველზე დატოვა. სამმართველოს 14 თებერვლიდან ზვიად ფოჩხუა ხელმძღვანელობს.

ფოჩხუა 2015-17 წლებში სახელმწიფო უსაფრთხოების სამსახურის სამეგრელო-ზემო სვანეთის რეგიონული მთავარი სამმართველოს უფროსის მოადგილის პოზიციას იკავებდა.

რაც შეეხება გულუას სამსახურიდან წასვლას, პრესსამსახურის ინფორმაციით, ამას წინ თანამშრომლებთან უთანხმოება და სიტყვიერი დაპირისპირება უძღოდა. ფაქტზე კი მოკვლევა მიმდინარეობს. ბაკურ გულუამ თანამდებობის დატოვების შესახებ განცხადება 2 თებერვალს დაწერა.