პარლამენტში, ფრაქცია “ქართული ოცნების“ წარმომადგენლები სახელმწიფო რწმუნებულ-გუბერნატორებს ხვდებიან.
როგორც ფრაქციის თავმჯდომარემ მამუკა მდინარაძემ განაცხადა, შეხვედრის მიზანია, რეგიონებში არსებული გამოწვევების გაცნობა და ასევე, გუბერნატორების მხრიდან იმის მოსმენა, თუ რისი განხორციელებაა საჭირო საკანონმდებლო ინიციატივების მიმართულებით.
“თქვენი მხრიდან მოწოდებული ინფორმაციისა და დასმული საკითხებიდან გამომდინარე, მზად ვართ, გავაკეთოთ შესაბამისი პროექტების ინიცირება, თუკი ამის საჭიროება არსებობს“, - განაცხადა მდინარაძემ შეხვედრის დაწყებისას.
დღევანდელ შეხვედრაზე საუბარი შეეხება სამშენებლო საქმიანობის მიმართულებით სანქციების გამკაცრების თაობაზე დაგეგმილ ცვლილებებს, ასევე, მიწის რეგულირებასთან დაკავშირებულ საკითხებს.
შეხვედრა მედიისთვის დახურულია.