კომპანია "ქინძმარაულის მარნის" თანამშრომლებს სახელფასო დავალიანებები აუნაზღაურეს. ამის შესახებ ინფორმაცია "ინტერპრესნიუსს" იმ თანამშრომლებმა დაუდასტურეს, ვინც დღესხელფასის აღების მოთხოვნით აქცია გამართა.

კომპანიაში აცხადებენ, რომ ხელფასების დაგვიანება არსებულ ფინანსურ პრობლემას უკავშირდება და თანამშრომლებს კუთვნილი თანხა უკვე დაერიცხათ.

"პირობა შევასრულეთ და სახელფასო დავალიანება დავფარეთ. ყველა თანამშრომელს კუთვნილი თანხა ანგარიშზე აქვს. მათ იციან, რომ კომპანიაში ფინანსური პრობლემებია და ამიტომ ცოტა დაგვიანდა. დღესაც და მანამდეც არაერთხელ ვუთხარით თანამშრომლებს, რომ ხეფასებს დავურიცხავდით და ეს ასეც მოხდა", - განაცხადა მარნის წარმოების დირექტორმა ბესიკ სესიაშვილმა.

დღეს "ქინძმარაულის მარანის" ტერიტორიაზე 100-ზე მეტმა თანამშრომელმა 6 თვის სახელფასო დავალიანების ანაზღაურების მოთხოვნით აქცია გამართა.