თურქეთის პროკურატურამ 170 პირის დაკავების ორდერი გასცა, მათ შორის ყოფილი სამხედროების, რომლებსაც ბრალად ედებათ ფეთჰულაჰ გიულენის ორგანიზაციასთან კავშირები. ამის შესახებ თურქული საინფორმაციო სააგენტო „ანადოლუ“ იუწყება.

დაკავების ორდერი სტამბოლის პროკურატურამ გასცა. დაკავების სპეცოპერაცია 38 პროვინციაში ტარდება. ამ მომენტისთვის 22 ადამიანია დაკავებული.

2016 წლის 15 ივლისს მეამბოხეთა ჯგუფმა თურქეთში სამხედრო გადატრიალება სცადა. გადატრიალების მცდელობის შედეგად 240 ადამიანი დაიღუპა. თურქეთში სამხედრო გადატრიალების მცდელობის შემდეგ ათასობით ადამიანი დააკავეს ან თანამდებობიდან გაათავისუფლეს.

თურქეთის ხელისუფლებამ გადატრიალების მცდელობის ორგანიზებაში ამერიკაში მყოფი ფეთჰულაჰ გიულენი დაადანაშაულა.