ასი წლის წინ გეოპოლიტიკური ცვლილებების წყალობით ჩვენმა ქვეყნებმა დამოუკიდებლობა მოიპოვეს, თუმცა, ჩვენ ვერ შევძელით ჩვენი სახელმწიფოებრიობის შენარჩუნება, - ამის შესახებ საქართველოში უკრაინის ელჩმა იგორ დოლგოვმა ჟურნალისტებს სტრატეგიისა და საერთაშორისო ურთიერთობების კვლევის ფონდში განუცხადა, სადაც რუსეთის მიერ ყირიმის ანექსიის მეოთხე წლისთავისადმი მიძღვნილი ღონისძიება გაიმართა.
„დღეს რასაც ვხედავთ, ეს არის ოკუპაცია, მცდელობა კვლავ შეაჩერონ ჩვენი ქვეყნების დამოუკიდებელი განვითარება. ამიტომაც მნიშვნელოვანია საუბარი საერთაშორისო საზოგადოების კონსოლიდირება საერთაშორისო სამართლის პრინციპების ირგვლივ, რათა მოხდეს ოკუპაციის შეწყვეტა. ერთ დღეს ჩვენი ყოველდღიური ძალისხმევა სასურველ შედეგს მოგვიტანს, ხოლო შედეგი კი მარტივია - მიეცეს ჩვენს ხალხს საშუალება, როგორც თვითონ სურს ისე განავითარონ ჩვენი ქვეყნები“, - აღნიშნა ელჩმა.