საბაჟო გამშვებ პუნქტებში „სადახლო-საავტომობილო“ და „წითელი ხიდი“, 19 თებერვალს არადეკლარირებული სიგარეტის ქვეყანაში უკანონოდ შემოტანის 2 ფაქტი აღიკვეთა, - ამის შესახებ „ინტერპრესნიუსს“ შემოსავლების სამსახურიდან აცნობეს.
მათივე ცნობით, ფინანსთა სამინისტროს შემოსავლების სამსახურის მებაჟე ოფიცრებმა, საერთო ჯამში, 6,600 ღერი არადეკლარირებული სიგარეტი, სომხეთის მოქალაქის, ზ.მ-ს კუთვნილი ხელბარგისა და საქართველოს მოქალაქის, ი.ფ-ს ფიზიკური დათვალიერებისას აღმოაჩინეს.
საქართველოს საგადასახადო კოდექსის 289-ე მუხლის მე-14 ნაწილის შესაბამისად, კანონდამრღვევ მოქალაქეებს, ჩამოერთვათ საქონელი და თითოეულს ფულადი ჯარიმა 1000 ლარის ოდენობით შეეფარდა.