მიხეილ ჩხენკელი ავტორიზაციაშეჩერებულ თბილისის სამედიცინო სასწავლო უნივერსიტეტ „ჰიპოკრატეს“ სტუდენტებს შეხვდა

საქართველოს განათლებისა და მეცნიერების მინისტრი მიხეილ ჩხენკელი ავტორიზაციაშეჩერებულ თბილისის სამედიცინო სასწავლო უნივერსიტეტ „ჰიპოკრატეს“ სტუდენტებს შეხვდა.

როგორც „ინტერპრესნიუსს“ განათლებისა და მეცნიერების სამინისტროდან აცნობეს, მინისტრმა ახალგაზრდებს ავტორიზაცია-აკრედიტაციის საკითხებზე ამომწურავი ინფორმაცია მიაწოდა და კიდევ ერთხელ განუმარტა, რომ ამ პროცესის მიზანი განათლების ხარისხის ამაღლებაზე ზრუნვაა, რადგან თითოეული ახალგაზრდის მომავალი უნდა ეფუძნებოდეს არა უბრალოდ დიპლომის ფლობას, არამედ ცოდნას, რომელიც ამ დიპლომის უკან დგას.

უწყების ინფორმაციით, მინისტრთან შეხვედრაზე ყველა სტუდენტს ჰქონდა შესაძლებლობა მათთვის მნიშვნელოვან კითხვებზე უშუალოდ მინისტრისაგან მიეღოთ ამომწურავი პასუხი.