ირაკლი კობახიძე - “მაუწყებლობის შესახებ“ კანონში ცვლილებების მიზანია, არ გაიფლანგოს ათეულობით მილიონი ლარი, რასაც ნულოვან რეიტინგში და ნულოვან სოციალურ გავლენაში ვიხდით

“მაუწყებლობის შესახებ“ კანონში დაგეგმილი ცვლილებების მიზანია, არ გაიფლანგოს ათეულობით მილიონი ლარი, რასაც ნულოვან რეიტინგში და ნულოვან სოციალურ გავლენაში ვიხდით, - ამის შესახებ პარლამენტის თავმჯდომარემ ირაკლი კობახიძემ პარლამენტის პლენარულ სხდომაზე, “მაუწყებლობის შესახებ“ კანონპროექტზე პრეზიდენტის ვეტოს განხილვისას განაცხადა.

“აქ მთავარი რეიტინგიც არ არის - მთავარია ნულოვანი სოციალური გავლენა, რაშიც ათეულობით მილიონი ლარი არ უნდა გაიფლანგოს. ამ წლების განმავლობაში ასეულობით მილიონი ლარი არის გაფლანგული ნულოვან სოციალურ გავლენაში, რასაც მშვიდად აკვირდებოდნენ მათ შორის ჩვენი ოპონენტები, რომლებიც დღეს კანონპროექტს აკრიტიკებენ. არავის არ ადარდებდა ის, რაც ”საზოგადოებრივ მაუწყებელში” ხდებოდა. ამ ვითარებას ცვლილება სჭირდება და ამ ცვლილებას ემსახურება მათ შორის ის ორი ასპექტი, რომელიც არის ვეტოს საგანი“, - განაცხადა კობახიძემ პარლამენტის პლენარულ სხდომაზე.