ოკუპირებული სამხრეთ ოსეთის „შეიარაღებული ძალები“ ოკუპირებულ აფხაზეთში დაგეგმილ "სამხედრო აღლუმში” მიიღებენ მონაწილეობას. ამის შესახებ ოკუპირებული აფხაზეთის ე.წ. თავდაცვის მინისტრის მოადგილემ ბესლან ცვიჟბამ განაცხადა.
მისი თქმით, ოკუპირებული აფხაზეთის დე ფაქტო თავდაცვის სამინისტრო „აფხაზი ერის სამამულო ომში“ გამარჯვების 25-ე წლისთავისადმი მიძღვნილ აღლუმზე ე.წ. სამხრეთ ოსეთის „შეიარაღებული ძალების“ კოლონის მიწვევას გეგმავს.
„აფხაზეთისა და სამხრეთ ოსეთის თავდაცვის მინისტრები 30 სექტემბერს სოხუმში აღლუმის ჩატარებას გეგმავენ, რომელიც ჩვენი გამარჯვების 25-ე წლისთავისადმი არის მიძღვნილი“, - განაცხადა ცვიჟბამ.