ხორავას ქუჩაზე მოზარდების მკვლელობის საქმეზე 51-ე სკოლის ფიზიკის მასწავლებელი, ექსპერტი და სასწრაფოს ექიმი დაიკითხნენ. მოწმეებმა სხვადასხვა ფაქტობრივ გარემოებებზე ისაუბრეს, რომლის შინაარსზეც მხარეები ღიად არ საუბრობენ. დაცვის მხარის მტკიცებით, სასამართლოს დღეს დაკითხული მოწმეებისგან მნიშვნელოვანი ინფორმაცია არ მიუღია.
"დღეს დაკითხული მოწმეები ფაქტის შემსწრე მოწმეები არ არიან და შესაბამისად, რაიმე მნიშვნელოვანი ინფორმაცია მათ სასამართლოსთვის არ მიუწოდებიათ. ბრალდების მხარის ტაქტიკაა, რომ არ წარმოადგინოს სასამართლოში თავიდანვე ფაქტის პირდაპირი თვითმხილველები. ალბათ სურთ გარკვეული საზოგადოებრივი აზრის შექმნა. ეს მათი გადასაწყვეტია. პროკურატურას აქვს უფლება, რომ თავად განსაზღვროს მოწმეების რიგითობა", - განაცხადა ერთ-ერთი არასრულწლოვანი ბრალდებულის ადვოკატმა ეკა მაჭარაშვილმა.