ბუტა რობაქიძის საქმეზე დღეს შინაგან საქმეთა ყოფილი მინისტრი ირაკლი ოქრუაშვილი დაიკითხება. ამის შესახებ ჟურნალისტებს საქმის ერთ-ერთმა პროკურორმა გიორგი ოსაძემ განუცხადა.
მისი თქმით, დაიკითხება ასევე ვიდეო-ექსპერტი, რომელიც დაადასტურებს, რომ როგორც აუდიო ასევე ვიდეო მასალებში ფიქსირდება მონტაჟი.
„ირაკლი ოქრუაშვილი დაიკითხება, რადგან ის იყო იმ პერიოდში შს მინისტრი და ის ისაუბრებს მისთვის ცნობილ ფაქტობრივ გარემოებებზე“, - განაცხადა პროკურორმა.
ბუტა რობაქიძე 2004 წლის 24 ნოემბერს დიდუბის პანთეონთან ახლოს ჩატარებული სპეცოპერაციის დროს მოკლეს.