ირაკლი ოქრუაშვილის განცხადებით, ამირან რობაქიძის საქმეზე დეტალების გახსენება უჭირს

შინაგან საქმეთა ყოფილი მინისტრი ირაკლი ოქრუაშვილი, რომელიც ამირან (ბუტა) რობაქიძის საქმეზე იკითხება, აცხადებს, რომ მომხდარიდან ათზე მეტი წელია გასული და საქმეზე დეტალების გახსენება უჭირს.

როგორც ოქრუაშვილმა სასამართლო პროცესზე განაცხადა, სადაც პროკურორების მხრიდან მისი დაკითხვა მიმდინარეობს, მას არ ახსოვს, ვისგან შეიტყო მომხდარის შესახებ.

”გამოძიების დროსაც დავაფიქსირე, რომ ბევრი დროა გასული და დეტალებს ვერ ვიხსენებ. არ მახსოვს, ვისგან შევიტყვე მომხდარი. ამ საქმეზე მუდმივად ხდებოდა ინფორმაციების გასვლა პრესაში და ჩემი შეხედულებები ჩამომიყალიბდა. ამ თემის განხილვა რა დონეზე მოხდა სამინისტროში, არ ვიცი. ჩემთან არ მომხდარა”, - განაცხადა ოქრუაშვილმა.

მანვე გადაცემა „პატრულის“ შესახებ ისაუბრა და აღნიშნა, რომ გურამ დონაძესთან საპატრულოს შექმნის პირველ ეტაპზე ჰქონდა შეხება.

”მაშინ ცხინვალის კონფლიქტი იყო და იქ მიწევდა მუშაობა. საპატრულო პოლიციის პოპულარიზაციისთვის მიწევდა ყურადღების მოქცევა. მიზანი გადაცემა „პატრულის“ იყო პოლიციის პოპულარიზაცია”, - განაცხადა ოქრუაშვილმა.

ბრალდების მხარის მიერ ოქრუაშვილის დაკითხვის შემდეგ ბუტა რობაქიძის მშობლებმა პროტესტი გამოთქვეს და დაინტერესდნენ, თუ რატომ ჩაიარა დაკითხვამ ”ასე მარტივად”.

ოქრუაშვილს ამ წუთებში დაცვის მხარე კითხავს.

ირაკლი მელაშვილი - საქართველო ადგილობრივი ორგანოების საბჭოურ სისტემაშია ჩარჩენილი, გამოდის რომ ჩვენ არა ევროპისკენ, არამედ აზიური ავტორიტარიზმისკენ მივდივართ
ქართული პრესის მიმოხილვა 05.08.2021
ბაკურ კვაშილავა - 19 აპრილის შეთანხმებიდან მმართველი გუნდის გამოსვლა არ ნიშნავს იმას, რომ იგი არ არსებობს - თუ მათ ხმების 43% ვერ მიიღეს, „ქართულ ოცნებას“ მოუწევს ვადამდელი არჩევნების დანიშვნა
"გრინ კაპიტალი" და საოპერაციო კომპანია "ფრონტერა ისტერნ ჯორჯია" აშშ-ის ელჩს და დიპლომატიურ კორპუსს მიმართავს, დავის მშვიდობიანად დასრულებისთვის საქართველოს მთავრობასთან  უშუამდგომლონ  (R)
„PSP ფარმა“ „საქსტატმა“ საუკეთესო პარტნიორად დაასახელა
Bolt Food უკვე ბათუმშია
“გრინ კაპიტალისა“ და ზაზა მამულაიშვილის მიერ გაკეთებული განცხადება მიზნად ისახავს საზოგადოების შეცდომაში შეყვანას
"ფრონტერა რისორსის ჯორჯია კორპორეიშენის" გენერალური დირექტორი განცხადებას ავრცელებს