ქუთაისის მერია კომპანია „ეს ემ კას“ გაფრთხილებას აძლევს

ქუთაისის მერიამ კომპანია ,,ეს ემ კა"-ს, რომელიც ქალაქში წყლის სარეაბილიტაციო სამუშაოებს ასრულებს, გაფრთხილება მისცა. საქმე ეხება თაბუკაშვილის, დადიანისა და გუგუნავას ქუჩებს, სადაც კომპანიამ წყლის სამუშაოების დასრულების შემდეგ გზის საფარი არ აღადგინა.

„კომპანია ,,ეს ემ კა"-ს უკვე გაეგზავნა წერილობითი გაფრთხილება და მიეცა გონივრული ვადა არაუმეტეს 10 დღისა , რათა მოხდეს ყველა მონაკვეთის აღდგენა და პირვანდელ მდგომარეობაში მოყვანა“, - განუცხადა „ინტერპრესნიუსს“ ქუთაისის მერიის ზედამხედველობის სამსახურის უფროსმა ზვიად ჯავახიამ.

კომპანია ,,ეს ემ კა" ქუთაისში წყლის სარეაბილიტაციო სამუშაოებს შვიდი წელია ასრულებს.