საპარლამენტო უმრავლესობამ ბიუროს სხდომაზე არჩილ ტატუნაშვილის გარდაცვალების საკითხზე რეზოლუციის მიღების ინიციატივა დააყენა

საპარლამენტო უმრავლესობამ პარლამენტის ბიუროს სხდომაზე ცხინვალში არჩილ ტატუნაშვილის გარდაცვალებასთან დაკავშირებულ საკითხზე რეზოლუციის მიღების ინიციატივა დააყენა.

როგორც საპარლამენტო უმრავლესობის ლიდერმა, არჩილ თალაკვაძემ ბიუროს სხდომაზე განაცხადა, რეზოლუციაში მრავალ ასპექტზე გამახვილდება ყურადღება, მათ შორის იმაზე, რომ მოხდეს საერთაშორისო საგამოძიებო მოქმედების ჩატარება.

“ვფიქრობთ, რომ მომდევნო პლენარულ სესიაზე მოხდეს ამის ინიცირება. საპარლამენტო ოპოზიცია საუბრობდა გასულ სესიაზე ამ საკითხზე და ბუნებრივია, ეს არის ის თემა, რაზეც პარლამენტში მრავალპარტიული ერთიანობა და კონსენსუსი იქნება გამომდინარე იქიდან, რომ ტერიტორიული მთლიანობა და ოკუპირებული ტერიტორიებიდან მომდინარე საფრთხეები ხელის გულზე დევს, ცალსახაა და ყველა საერთაშორისო ანგარიშში ამაზე არის საუბარი“, - განაცხადა არჩილ თალაკვაძემ.