ოფიციალური ვაშინგტონი რუსეთის წინააღმდეგ ახალ შემზღუდველ ზომებს 30 დღის განმავლობაში შემოიღებს.
ამის შესახებ აშშ-ს ხაზინის დეპარტამენტის ხელმძღვანელმა სტივენ მნუჩინმა კალიფორნიის უნივერსიტეტში სიტყვით გამოსვლისას განაცხადა.
„მომდევნო 30 დღის განმავლობაში ახალი სანქციები დაწესდება. ჩვენ ვასრულებთ ყველა არსებულ სანქციებს და ასევე ვაწესებთ სანქციების ახალ პაკეტს“, - განაცხადა სტივენ მნუჩინმა.
აღსანიშნავია, რომ გასულ კვირას აშშ-ს ხაზინის დეპარტამენტის ხელმძღვანელმა ჟურნალისტებისთვის გამართულ ბრიფინგზე განაცხადა, რომ აშშ-ს ხაზინის დეპარტამენტი რუსეთთან მიმართებაში ახალი სანქციების შემოღებაზე მუშაობს.