საქართველოს განათლებისა და მეცნიერების მინისტრი მიხეილ ჩხენკელი გაერო-ს ლტოლვილთა უმაღლესი კომისარიატის რეგიონალურ წარმომადგენელს იოანეს ვან დერ კლაუფს შეხვდა.

როგორც „ინტერპრესნიუსს“ განათლებისა და მეცნიერების სამინისტროდან აცნობეს, შეხვედრაზე საუბარი შეეხო საქართველოს საგანმანათლებლო სივრცეში ლტოლვილთა ინტეგრაციის ხელშეწყობის მიზნით არსებულ და მომავალ თანამშრომლობას.

განსაკუთრებით ხაზი გაესვა თანამშრომლობას მასწავლებელთა პროფესიული განვითარების ეროვნულ ცენტრთან, ლტოლვილთა განათლების საკითხებზე მასწავლებელთა სატრენინგო მოდულების განვითარების კუთხით.