უახლოეს მომავალში გვეცოდინება, ეს იყო დივერსია, თუ უსაფრთხოების ნორმები არ იყო ისე დაცული, როგორც საჭიროა, - ამის შესახებ თბილისის საკრებულოს ფრაქცია „ქართული ოცნების“ წევრმა, ოთარ გრიგოლიამ „თერგის“ ბაზრობის ტერიტორიაზე გაჩენილი ხანძრის კომენტირებისას განაცხადა. დეპუტატი საკითხს ზოგადადაც შეეხო და აღნიშნა, რომ რთულია ფართომასშტაბიანი ხანძრის დროს გამოძიებამ რაიმე ხელჩასაჭიდი იპოვოს.

„ძალიან რთულია ფართომასშტაბიანი ხანძრის დროს გამოძიებამ რაიმე ხელჩასაჭიდი იპოვოს. მე ვფიქრობ გამოძიებას ობიექტურადაც ჰქონდეს ეს პრობლემები, მაგრამ მე არ უარვყოფ იმას, რომ ეს პრობლემები ხელოვნურიც შეიძლება ყოფილიყო. გეთანხმებით იმაში, რომ აუცილებელია სწრაფი გამოძიება. დარწმუნებული ვარ, რომ ამ შემთხვევაზე უახლოს მომავალში გვექნება გარკვეული პასუხები, რადგან ბევრი ვიდეოკამერა არსებობდა ადგილზე. უახლოეს მომავალში გვეცოდინება, ეს იყო დივერსია, თუ უსაფრთხოების ნორმები არ იყო დაცული ისე, როგორც საჭიროა“, - განაცხადა ოთარ გრიგოლიამ.