ზოგად უნარებში დღეს საცდელი ტესტირება ჩატარდება
ზოგად უნარებში საცდელი ტესტირებისათვის რეგისტრაცია 300-მდე აბიტურიენტმა გაიარა. გამოცდების ეროვნული ცენტრის ხელმძღვანელის, მაია მიმინოშვილის თქმით, დღეს ზოგად უნარებში საცდელი ტესტირება "ახალი უმაღლესი სასწავლებლის" შენობაში მათი ფინანსური მხარდაჭერით ჩატარდება.
მისივე ინფორმაციით, ტესტირებაში მონაწილების მსურველი ძალიან ბევრი იყო, რის გამოც შესაძლოა ანალოგიური ტესტირება განმეორებითაც ჩატარდეს.
„მსურველები ძალიან ბევრია. შემდგომ ეტაპზე მათ ექნებათ შესაძლებლობა გაიარონ რეგისტრაცია და ანალოგიური ტესტის ჩატარებას მათაც შევთავაზებთ. სარეგისტრაციო ფანჯრის გახსნიდან 15 წუთში შეივსო 300-მდე ადგილი. სამწუხაროდ, ბევრმა აბიტურიენტმა, რომელსაც სურვილი ჰქონდა, დარეგისტრირება ვერ შეძლო, მაგრამ მათ ვპირდებით, რომ შემდეგ ეტაპზე ისინი ამას შეძლებენ“, - განაცხადა „ინტერპრესნიუსთან“ საუბრისას მაია მიმინოშვილმა.
მისივე თქმით, ზოგად უნარებში საცდელი ტესტირება იქნება საგამოცდო პროცესის ანალოგიური. აბიტურიენტები ნახავენ როგორ შეავსონ პასუხების ფურცელი, როგორი ტიპის დავალებები იქნება და ეს ტესტირება მათ საშუალებას მისცემს შეაფასონ საკუთარი თავი და უკეთესად მოემზადონ მისაღები გამოცდებისთვის.
v-if="article.gallery" v-html="article.gallery"
