უმრავლესობისა და ოპოზიციის რეზოლუციებს შორის დიდ განსხვავებას ვერ ვხედავ, თუმცა არის საკითხები, რითაც ოპოზიცია ქულების მოგროვებას ცდილობს, - ამის შესახებ „პალიტრანიუსის“ გადაცემაში „360 გრადუსი“ საპარლამენტო უმრავლესობის წევრმა, კობა ნარჩემაშვილმა განაცხადა.
დეპტატის თქმით, არასწორია მოსაზრება, რომ ხელისუფლება ცდილობს ოპოზიციური ძალის მიერ შეთავაზებული რეზულუციის იგნორირებას.
„ჩვენ ვაპირებთ ძალიან ყურადღებით ვიმუშაოთ ოპოზიციური ძალის მიერ შემოთავაზებულ რეზოლუციაზეც. მისი იგნორირება არ ხდება. უმრავლესობისა და ოპოზიციის რეზოლუციებს შორის დიდ განსხვავებას ვერ ვპოულობ, თუმცა არის საკითხები, რითაც ოპოზიცია ქულების მოგროვებას ცდილობს, მაგალითად, მოუწოდებს ხელისუფლებას იმის გაკეთებას, რასაც ის ისედაც აკეთებს“, - აღნიშნა კობა ნარჩემაშვილმა.