ილია მეორე - ჩვენს თავს თუ დავძლევთ, ყველაფერს დავძლევთ და ყველაფერში გამარჯვებული ვიქნებით

ჩვენს თავს თუ დავძლევთ, ყველაფერს დავძლევთ და ყველაფერში გამარჯვებული ვიქნებით, - ამის შესახებ სრულიად საქართველოს კათოლიკოს-პატრიარქმა, მცხეთა-თბილისის მთავარეპისკოპოსმა, ბიჭვინთისა და ცხუმ-აფხაზეთის მიტროპოლიტმა, უწმინდესმა და უნეტარესმა ილია მეორემ სამების ტაძარში საკვირაო ქადაგებისას განაცხადა.

მისმა უწმიდესობამ გრიგოლ პალამას მოღვაწეობის შესახებ იქადაგა და სიმშვიდის მოპოვებაზე ისაუბრა.

"განვლო ორმა კვირამ დიდი მარხვისა და ჩვენ ვემზადებით აღდგომის ბრწყინვალე დღესასწაულისთვის. თქვენ ხედავთ, რამდენად რთულია ადამიანის ცხოვრება და ეს სულიერი ბრძოლა განსაკუთრებით ძლიერდება მარხვის დროს, როცა ადამიანი სულიერად მოღვაწეობს. თუ სიმშვიდეს არ მიაღწია ადამიანმა, ლოცვა ვერ მიდის უფალთან. სიმშვიდე - ეს ყველაფერია, სიმშვიდე გულისა, სიმშვიდე გონებისა, სიმშვიდე ოჯახში, სიმშვიდე სამსახურში... როგორ მიაღწიოს ადამიანმა სიმშვიდეს, როცა ჩვენს გარშემო ასეთი მღელვარებაა? უპირველეს ყოვლისა, უნდა ვიფიქროთ იმაზე, რომ ვაპატიოთ ერთმანეთს, შენდობა მივცეთ ერთმანეთს ჩვენი დანაშაულის გამო. თუ ადამიანი აპატიებს მოყვასსა თვისსა, ის სიმშვიდე თავისთავად დაისადგურებს მასში. დღევანდელ დღეს, როცა ასეთი მღელვარებაა, ასეთი გარუკვეველი მდგომარეობაა ოჯახებში, მშობლებსა და შვილებს შორის, და-ძმათა შორის, ჩვენ უნდა გავაძლიეროთ ლოცვა, გავაძლიეროთ ჩვენი ბრძოლა უპირველეს ყოვლისა ჩვენს თავთან. ჩვენს თავს თუ დავძლევთ, ყველაფერს დავძლევთ და ყველაფერში გამარჯვებული ვიქნებით",- განაცხადა პატრიარქმა.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს