ჩრდილოეთ კორეამ პირობა დადო, რომ არ გამოიყენებს ბირთვულ ან ჩვეულებრივ იარაღს სამხრეთ კორეის წინააღმდეგ და სურვილი გამოთქვა ბირთვულ განიარაღებასთან დაკავშირებით მოლაპარაკებები გამართოს შეერთებულ შტატებთან, - განაცხადა კორეის ხელისუფლებამ. იუწყება ამერიკული ტელეარხი Fox News.
„ჩრდილოეთ კორეა აცხადებს, რომ სამხედრო საშიშროების არარსებობის შემთხვევაში, ბირთვული იარაღის ქონა საჭირო არ იქნებოდა“, - აღნიშნა სამხრეთ კორეის ეროვნული უშიშროების საკითხების დირექტორმა ჩრდილოეთ კორეის ლიდერ კიმ ჩენ ინთან შეხვედრის შემდეგ.
ჩრდილოეთ კორეაში მზად არიან „გულითადი მოლაპარაკებები“ გამართონ აშშ-სთან ორ ქვეყანას შორის ვითარების ნორმალიზებისა და პოტენციური ბირთვული განიარაღების შესახებ.
სამხრეთ კორეის პრეზიდენტმა მუნ ჩჟე-ინმა ორშაბათს საგანგებო დესპანი გააგზავნა კინ ჩენ ინთან შესახვედრად. სამხრეთ კორეაში განაცხადეს, რომ ჩრდილოეთი ასევე თანახმაა, აპრილის ბოლოს მოლაპარაკებები გამართოს.