როცა არჩევნებს აგებთ, წაგება ღირსეულად მიიღეთ - იქ სადაც უმრავლესობა ოპოზიციურ პოლიტიკურ ძალებს აქვს, ამას უნდა შეეგუოთ, - აღნიშნული განცხადებით პლენარულ სხდომაზე, პარლამენტის ვიცე-სპიკერმა სერგი კაპანაძემ “ქართული ოცნების“ წარმომადგენლებს მიმართა.
კაპანაძის შეფასებით, ბორჯომის საკრებულოში დარწყებული პროცესები გამოწვეულია იმით, რომ მმართველ გუნდს ბორჯომში ადგილობრივ არჩევნების წაგებასთან შეგუება არ სურს.
“გვესმის ლამაზი სიტყები დეცენტრალიზაციაზე, ტარდება კონფერენციები, ამ დროს საბაზისო პრინციპების გაგების პრობლემა გაქვთ, როცა საქმე ადგილობრივ თვითმმართველობას ეხება. გემახსოვრებათ, თავის დროზე ბიძინა ივანიშვილმა გიგი უგულავას უთხრა: - სუბორდინაცია დაიცავიო. გგონიათ, რომ სუბორდინაციის დაცვა არის საჭირო და ადგილობრივი თვითმმართველობა ცენტრალურ ხელისუფლებას უნდა ემორჩილებოდეს. ადგილობრივი თვითმმართველობის საბაზისო ტესტი არის ის, რომ ის უნდა იყოს დამოუკიდებელი და ემორჩილებოდეს მხოლოდ ხალხის ნებას“, - მიმართა უმრავლესობას სერგი კაპანაძემ.