ფრანგული საერთაშორისო კომპანია „ბიურო ვერიტასის“ ექსპერტები გუდარუში ამ წუთებში შეხვედრას მართავენ საქართველოს ეკონომიკისა და მდგრადი განვითრების სამინისტროს პირველ პირებთან, საქართველოს პროკურატურის წარმომადგენლებთან, სამხარაულის ექსპერტიზის ეროვნული ბიუროსა და შინაგან საქმეთა სამინისტროს ექსპერტ-კრიმინალისტებთან ერთად.
როგორც „ინტერპრესნიუსს“ ეკონომიკისა და მდგრადი განვითარების სამინისტროდან აცნობეს, „ბიურო ვერიტასის“ ექსპერტები 16 მარტს, გუდაურის საბაგიროზე მომხდარი შემთხვევის მიზეზების შესასწავლად არიან ჩამოსული.
შეხვედრის შემდეგ, მხარეები შემთხვევის ადგილზე მივლენ და უშუალოდ ადგილზე გაეცნობიან ვითარებას.