ხაშურის მუნიციპალიტეტის სოფლებში გაზიფიცირების სამუშაოები მიმდინარეობს. როგორც „ინტერპრესნიუსს“ ხაშურის მუნიციპალიტეტიდან აცნობეს, სამუშაოების დასრულების შემდეგ ბუნებრივი აირით მთლიანად მომარაგდება ალის ადმინისტრაციული ერთეული და მასში შემავალი სოფლები: ახალუბანი, ბრილი, დუმაცხოვი, ზემო აძვისი, კლდისწყარო, ნაბახტევი, უწლევი, ქინძათი, მცხეთიჯვარი.

ფლევის ადმინისტრაციული ერთეული და მასში შემავალი სოფლები: დიდი ფლევი, პატარა ფლევი, ტკოცა, ნაცარგორა.

წაღვლის ადმინისტრაციული ერთეული და მასში შემავალი სოფლები: ზემო ბროლოსანი, ქვემო ბროლოსანი, კლდისწყარო, ტიტვინისწყარო და წეღვერი.

პროექტს შპს „აზის ტრანსპორტირების კომპანია“ ახორციელებს. გაზიფიცირების პროცესში სამუშაოების განხორციელებისას მოსახლეობის ინტერესების და პროექტირების სტანდარტების მაქსიმალურად დაცვის მიზნით სამუშაოებს სახელმწიფო ზედამხედველობას უწევს მერიის ზედამხედველობის სამსახური გაზიფიცირების პროექტი 7000-მდე აბონენტის ბუნებრივი აირით უზრუნველყოფას ითვალისწინებს, რაც ხელს შეუწყობს მათი საყოფაცხოვრებო პირობების მკვეთრად გაუმჯობესებას.

მომავალში იგეგმება ხაშურის მუნიციპალიტეტში შემავალი ყველა სოფლის გაზიფიცირება.