თბილისის საქალაქო სასამართლოში ტერორიზმთან კავშირში ბრალდებული პირების სასამართლო სხდომა მიმდინარეობს. რვა ბრალდებული პირიდან, ორის - ბადურ ჩოფანაშვილის და ზურა გორნაკაშვილის საქმე ცალკე გამოიყო და პროცესი ცალკე დარბაზში გაიმართა. როგორც ჟურნალისტებს ჩოფანაშვილის ადვოკატმა დალი ბარბაქაძემ განუცხადა, დაცვის მხარეს საპროცესო გარიგების შეთანხმების მოთხოვნით არ მიუმართავს.
მისივე განმარტებით, ბრალდებული ჩოფანაშვილი თავს დამნავედ არ ცნობს.
"ჩვენ არ მიგვიმართავს საპროცესო გარიგების მოთხოვნის შუამდგომლობით. რაც შეეხება გამოძიებას, მე ყველა იმ მტკიცებულებაზე ვერ ვისაუბრებ რა მტკიცებულებებიცაა წარმოდგენილი. მხოლოდ ის შემიძლია გითხრათ, რომ ბაადურ ჩოფანაშვილი თავს არ ცნობს დამნაშავედ და დაცვის მხარე ყველა წარმოდგენილ მტკიცებულებას სადაოდ ვხვდით", - განაცხადა ადვოკატმა.
შეგახსენებთ, რომ ზურაბ გორნაკაშვილს, რუსლან ალდამოვს, ზურაბ იდოიძეს, ბადურ ჩოფანაშვილს, ანატოლი ბერძენიშვილს, რამაზ მარგოშვილს და საედ დუდაევს ახმედ ჩატაევთან კავშირი ედებათ ბრალად.
