ადვოკატი ზვიად დევდარიანის პირადი ტელეფონებისთვის ექსპერტიზის ჩატარებას გეგმავს

ადვოკატი დიმიტრი გაბუნია სამოქალაქო განვითარების სააგენტოს (სიდა) ყოფილი ხელმძღვანელის ზვიად დევდარიანის პირადი ტელეფონებისთვის ექსპერტიზის ჩატარებას აპირებს.

როგორც დიმიტრი გაბუნიამ პრესკონფერენციაზე განაცხადა, ის უახლოესი დღეების განმავლობაში სამხარაულის ექსპერტიზის ბიუროს მიმართავს, რათა მოხდეს ზვიად დევდარიანის მობილური ტელეფონებისთვის ექსპერტიზის ჩატარება.

ადვოკატის განცხადებით, ყველა მიმოწერა და SMS აღნიშნულ ტელეფონებში ინახება. გაბუნიას თქმით, მათ სურთ საქმესთან დაკავშირებით სიმართლე გაირკვეს.

ამასთან, გაბუნიას თქმით, აღნიშნული მიმოწერის გასაჯაროება ამ ეტაპზე არ მოხდება, რადგან მათი მხრიდანაც კანონი არ დაირღვეს.

ზვიად დევდარიანი და მისი უფლებების დამცველი დიმიტრი გაბუნია მიმდინარე პროცესებს დევდარიანის საქმიანობას უკავშირებენ.

“ეჭვი გვაქვს, ეს უკავშირდება ზვიად დევდარიანის საზოგადოებრივი მაუწყებლის ბორდის წევრად არჩევის საკითხს და კონკრეტულმა ფოკუსჯგუფებმა ააგორეს კამპანია. ჩვენ სახელებისა და გვარების დასახელებისგან თავს შევიკავებთ ამ ეტაპზე”, - განაცხადა დიმიტრი გაბუნიამ.

თენგიზ ფხალაძე - ვინც ანაკლიის პორტის მიზანშეწონილობას ეჭვქვეშ აყენებს, იქნებ იმაზეც დაფიქრდეს, რატომ აჩქარებს რუსეთი ტამანში საკუთარი პორტის მშენებლობას?
ქართული პრესის მიმოხილვა 17.10.2019
ზურაბ ბატიაშვილი - სირიაში შექმნილი სიტუაციიდან ყველაზე მოგებულ პოზიციაში რუსეთი აღმოჩნდა, რაც ცუდი სიგნალია პროდასავლური ქვეყნებისა და ძალებისთვის
აჭარული სოფლები და მთები, როგორც ოთხივე სეზონის ტურისტული პროდუქტი
რატომ და რამდენით შემცირდა საკრედიტო ბარათების საპროცენტო განაკვეთი საქართველოში
კომპანია „ჰიდროდიაგნოსტიკამ“ ჟინვალჰესის ადრეული შეტყობინების პროექტზე მუშაობა დაასრულა და სატესტო რეჟიმში გაუშვა
„ვენდიმ“ „რაგბი მენიუს“ გათამაშების პირველი ნაკადის გამარჯვებული რაგბის გულშემატკივრები დააჯილდოვა
პროექტი „სტარტაპ ანბანი“ "ტერაბანკის" მხარდაჭერით გრძელდება