კახა კუჭავა „ნაციონალურ მოძრაობას“ - რატომ არ ესწრება კომიტეტის სხდომას თქვენი დეპუტატი კობა ნაყოფია, რომელიც „არემჯი გოლდის“ მეწილეა

მივმართავ „ნაციონალურ მოძრაობას“, რატომ არ ესწრება კომიტეტის სხდომას თქვენი დეპუტატი კობა ნაყოფია, რომელიც წლების განმავლობაში ფლობდა „არემჯი გოლდს“ და დღესაც მეწილეა, - ამ კითხვით მიმართა პარლამენტის გარემოს დაცვისა და ბუნებრივი რესურსების კომიტეტის თავმჯდომარემ კახა კუჭავამ „ნაციონალური მოძრაობის“ წევრებს კომიტეტის სხდომაზე, სადაც გარემოსა დაცვისა და ბუნებრივი რესურსების მინისტრ ლევან დავითაშვილს უსმენენ.

„მაშინ, როდესაც ის პარლამენტის წევრი იყო, ხოლო „ევროპული საქართველოს“ წევრი კაკო ბობოხიძე ამ კომიტეტის თავმჯდომარე, მიიღეთ კანონი, რომლითაც კომპანიას ჩამოაწერეთ პასუხისმგებლობა ყველა ძველ დარღვევაზე. ეს გაფორმდა ხელშეკრულებით“, - განაცხადა კუჭავამ.

მისი თქმით, დღეს გახდა უცებ ოპოზიციისთვის ბოლნისი საინტერესო, მაშინ როდესაც პრობლემა ჯერ კიდევ საბჭოთა კავშირის დროიდან არის დაწყებული და იგივე ხდება ჭიათურაში, ზესტაფონში, რუსთავში.

„ამ კომპანიებს სათითაოდ უნდა მიეხედოს და გაეცეს პასუხი, თუ რამე დარღვევები აქვს, მათ შორის „არემჯის“. მაგრამ საინტერესოა თქვენი ახლა დაწყებული განცხადებები, უბრალოდ სირცხვილია ეს“, - განაცხადა კუჭავამ.

ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ქართული პრესის მიმოხილვა 23.08.2019
ვახტანგ ძაბირაძე -  შემოდგომა იქნება ოპოზიციურ ფლანგზე ძალების ჩამოყალიბების პროცესი, ამიტომ არ მაქვს მოლოდინი, რომ ცხელი შემოდგომა გვექნება
ქართული ყავის კომპანია „მეამა“-ს შენობა საერთაშორისო არქიტექტურული კონკურსის სამეულშია
პროექტ „ბათუმი რივიერასთან“ დაკავშირებით „სილქროუდ ჯგუფი“ განცხადებას ავრცელებს
პრემიუმ ხარისხის მინების ყველაზე მსხვილი იმპორტიორი კომპანია „ჯეო გლასს“ საკუთარ მომხმარებლებს სიახლეს სთავაზობს