”ნაციონალური მოძრაობის” ერთ-ერთი ლიდერი ნიკა მელია აცხადებს, რომ საპრეზიდენტო არჩევნებზე მისი კანდიდატურა ნამდვილად არ განიხილება.

„ბოლო 4 წლის განმავლობაში დადასტურდა, რომ ჩემთვის არ არის მნიშვნელოვანი ვიყო კანდიდატი. ჩემთვის მნიშვნელოვანია ამ ოლიგარქიული მმართველობის დამარცხება“, - განაცხადა მელიამ.

მისივე თქმით, დაახლოებით, თვე-ნახევარში გახდება ცნობილი, წარსდგება თუ არა ოპოზიცია საპრეზიდენტო არჩევნებზე ერთიანი კანდიდატით.

„რამდენიმე კანდიდატზე საუბარი გუნდში არის, თუმცა გააჩნია როგორ დასრულდება ოპოზიციურ პარტიებთან კონსულტაციები ერთიან კანდიდატთან დაკავშირებით. უმჯობესია, იყოს ერთიანი ოპოზიციური კანდიდატი",- აღნიშნა მელიამ.