დონალდ ტრამპი - პოპულარობის 50%-ს მივაღწიე, ეს გაცილებით მეტია, ვიდრე მატყუარა ობამას ჰქონდა

აშშ-ს პრეზიდენტმა დონალდ ტრამპმა საზოგადოებრივი აზრის კვლევის ორგანიზაციას Rasmussen Reports მადლობა გადაუხადა, რომლის გამოკითხვის თანახმად, დონალდ ტრამპის რეიტინგი 50%-ს შეადგენს.

„მადლობას ვუხდი Rasmussen-ს სამართლიანი გამოკითხვისთვის. ახლახან პოპულარობის 50%-ს მივაღწიე. ეს გაცილებით მეტია, ვიდრე მატყუარა ობამას ჰქონდა პრეზიდენტობის იმავე პერიოდში“, - დაწერა დონალდ ტრამპმა „ტვიტერის“ საკუთარ გვერდზე.

Rasmussen Reports-ის კვლევის შედეგების თანახმად, აშშ-ს პრეზიდენტის დონალდ ტრამპის რეიტინგი 3 პუნქტით გაიზარდა და 50% შეადგინა.

აღსანიშნავია, რომ პრეზიდენტობის იმავე პერიოდში, ანუ 2010 წლის 2 აპრილს ბარაკ ობამას რეიტინგი 46%-ს შეადგენდა.

ამავე კვლევის თანახმად, რესპოდენტთა 49% არ უჭერს მხარს აშშ-ს პრეზიდენტის დონალდ ტრამპის საქმიანობას.

გამოკითხვაში მონაწილეობა 1,5 ათასმა ამერიკელმა მიიღო, ცდომილება +/- 2,5% შეადგენს.

რამაზ საყვარელიძე - პროპორციული საარჩევნო სისტემა კიდევ უფრო მარცხიანს გახდის ოპოზიციის მდგომარეობას
ქართული პრესის მიმოხილვა 05.06.2020
თედო ჯაფარიძე - არ მგონია, რომ ამერიკის "დასუსტებით" რუსეთმა ან რომელიმე სხვა ქვეყანამ საკუთარი პოზიციები გაიმაგროს
მითები და რეალობა ჰესების შესახებ
ფინკა ბანკისა და სიმბიოტიკსის თანამშრომლობა მეწარმეების დაკრედიტების მიმართულებით გრძელდება
„ვისოლში“ საწვავზე წლის მიმდინარე პერიოდში რეკორდულად დაბალი ფასები დაფიქსირდა