პარლამენტის კომიტეტებში საქართველოს ორგანული კანონის პროექტსა და აჭარის კონსტიტუციურ კანონს განიხილავენ

აჭარის ავტონომიური რესპუბლიკის უმაღლესი საბჭოს თავმჯდომარემ დავით გაბაიძემ და საკონსტიტუციო, იურიდიულ და საპროცედურო საკითხთა კომისიის თავმჯდომარემ ნინო ჩხეტიამ საქართველოს პარლამენტში საქართველოს ორგანული კანონის პროექტი და აჭარის ავტონომიური რესპუბლიკის კონსტიტუციური კანონი „აჭარის ავტონომიური რესპუბლიკის კონსტიტუციაში ცვლილების შეტანის შესახებ“ წარადგინეს.

როგორც „ინტერპრესნიუსსს“ აჭარის ავტონომიური რესპუბლიკის უმაღლესი საბჭოდან აცნობეს, უმაღლესი საბჭოს წევრები დღეს თბილისში, საქართველოს პარლამენტის ოთხი კომიტეტის სხდომას დაესწრნენ.

რეგიონული პოლიტიკისა და თვითმმართველობის, აგრარულ საკითხთა, სპორტის და ახალგაზრდულ საქმეთა, განათლების, მეცნიერების და კულტურის კომიტეტების სხდომაზე დავით გაბაიძემ და ნინო ჩხეტიამ პარლამენტის წევრთა შეკითხვებს უპასუხეს და ცალკეულ საკითხებზე მათი მოსაზრებები მოისმინეს.

გამოთქმული შენიშვნების გათვალისწინებით, საკითხების პარლამენტის სხდომაზე გატანას ოთხივე კომიტეტმა მხარი დაუჭირა.

უმაღლესი საბჭოს თავმჯდომარის დავით გაბაიძის განცხადებით, საკომიტეტო განხილვები, სავარაუდოდ, 17 აპრილისთვის დასრულდება და პარლამენტის სხდომაზე 20 აპრილამდე განიხილება.

ხვალ, 4 აპრილს, უმაღლესი საბჭოს თავმჯდომარე დავით გაბაიძე და დარგობრივი კომისიის თავმჯდომარე ნინო ჩხეტია საქართველოს ორგანული კანონის პროექტსა და აჭარის კონსტიტუციურ კანონს ქუთაისში, პარლამენტის ჯანრთელობის დაცვისა და სოციალურ საკითხთა და ადამიანის უფლებათა დაცვისა და სამოქალაქო ინტეგრაციის კომიტეტების სხდომებზე წარადგენენ.

ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ქართული პრესის მიმოხილვა 21.08.2019
ვახტანგ ძაბირაძე -  შემოდგომა იქნება ოპოზიციურ ფლანგზე ძალების ჩამოყალიბების პროცესი, ამიტომ არ მაქვს მოლოდინი, რომ ცხელი შემოდგომა გვექნება
პროექტ „ბათუმი რივიერასთან“ დაკავშირებით „სილქროუდ ჯგუფი“ განცხადებას ავრცელებს