უკრაინა ქვეყანაში შესვლას აუკრძალავს იმ რუს დიპლომატებს, ვინც სკრიპალის საქმის გამო ევროკავშირის ქვეყნებიდან გააძევეს

უკრაინის უსაფრთხოების სამსახური უკრაინაში შესვლას აუკრძალავს იმ რუს დიპლომატებს, ვინც სკრიპალის საქმის გამო ევროკავშირის ქვეყნებიდან გააძევეს, - ამის შესახებ უკრაინის უსაფრთხოების სამსახურის ხელმძღვანელმა ვასილი გრიცაკმა განაცხადა.

„ჩვენ 13 რუსი დიპლომატი გავაძევეთ. ეს სწორი ნაბიჯი იყო. ჩვენ ასევე ავუკრძალეთ უკრაინის ტერიტორიაზე შემოსვლა იმ 60 მზვერავს, რომლებიც აშშ-დან გააძევეს, ასევე მათ, ვინც დიდი ბრიტანეთიდან გააძევეს. ჩვენ ასევე ავუკრძალავთ ჩვენი ქვეყნის ტერიტორიაზე შემოსვლას იმ რუს დიპლომატებს, ვინც ევროკავშირის ქვეყნებიდან გააძევეს“, - აღნიშნა ვასილი გრიცაკმა.

4 მარტს დიდ ბრიტანეთში, სოლსბერიში ГРУ-ს ყოფილი ოფიცერი სერგეი სკრიპალი და მისი შვილი ნერვულ-პარალიტიკური ნივთიერებით მოწამლეს. ოფიციალურმა ლონდონმა აღნიშნულში ბრალი რუსეთის ხელისუფლებას დასდო. შედეგად, 28 ქვეყანამ დიდ ბრიტანეთთან სოლიდარობის ნიშნით 150-მდე რუსი დიპლომატი გააძევა.

თამარ გაბუნია - ეპიდემიის გავრცელების მაჩვენებელი ჯერ კონტროლის ფარგლებში რჩება, თუმცა გარკვეული შერბილებების შემდეგ, რაღაცნაირად მოვდუნდით
ზვიად კირტავა - მთავარია, ყველა მოქალაქემ გააცნობიეროს - თუ სწორად მოექცევა ჯანმრთელობას, სამუშაოს და ბიზნესსაც შეინარჩუნებს, თუ წესებს დაივიწყებს, ყველას და ყველაფერს რისკის ქვეშ დააყენებს
ქართული პრესის მიმოხილვა 01.06.2020
"დიჯიტალ ტვ" საიუბილეო აქციას იწყებს
„დრესაპ ჯგუფის“ მაღაზიები გაიხსნა