ზვიად დევდარიანის ადვოკატები ექსპერტიზის ბიუროს ხვალ ოფიციალურად მიმართავენ

ზვიად დევდარიანის ინტერესების დამცველი ადვოკატები, ლევან სამხარაულის სახელობის ექსპერტიზის ბიუროს, მიმოწერების ამოღების და იდენტიფიცირების მიზნით ხვალ ოფიციალურად მიმართავენ.

როგორც დევდარიანის ადვოკატები აცხადებენ, ზვიად დევდარიანის კუთვნილ ტელეფონებში, რომელიც ლევან სამხარაულის სახელობის ექსპერტიზის ეროვნულ ბიუროს გადაეცემა, ბოლო 5 წლის განმავლობაში არსებული მიმოწერები ინახება.

სიდას ყოფილ აღმასრულებელ დირექტორს, ზვიად დევდარიანს სექსუალურ შევიწროვებაში ადანაშაულებენ. აღნიშნულთან დაკავშირებით შინაგან საქმეთა სამინისტრომ გამოძიებაც დაიწყო.

დღეს, თავად ზვიად დევდარიანმა ადვოკატ დიმიტრი გაბუნიასთან ერთად პრესკონფერენცია გამართა, სადაც განაცხადა, რომ მის მიმართ წაყენებული ბრალდებები სიცრუეა და ის სამართლებრივ ბრძოლას იწყებს.