დავით უსუფაშვილი - სააკაშვილმა თანაგუნდელებს შეახსენა, რომ ლიდერი კვლავ თვითონაა, ხოლო მეორე მხრივ ხელისუფლება საზოგადოების მანიპულირებას დაიწყებს

პარლამენტის ყოფილი თავმჯდომარე, „შენების მოძრაობის“ ერთ-ერთი დამფუძნებელი დავით უსუფაშვილი ექსპრეზიდენტ მიხეილ სააკაშვილის დღევანდელ მიმართვას მორიგ სპექტაკლად აფასებს.

როგორც უსუფაშვილმა „პალიტრანიუსის“ გადაცემაში „360 გრადუსი“ განაცხადა, ამ მიმართვით ერთის მხრივ სააკაშვილმა მის თანაგუნდელებს შეახსენა, რომ ლიდერი კვლავ თვითონაა, ხოლო მეორე მხრივ ხელისუფლება საზოგადოების მანიპულირებას დაიწყებს. უსუფაშვილი მიიჩნევს, რომ აღნიშნული მიმართვა, რომლის ანალოგსაც მომავალშიც ვიხილავთ, საპრეზიდენტო არჩევნებისთვისაა გამნიზნული.

„ხელისუფლებამაც და მისმა ოპონენტმაც, პატივცემულმა სააკაშვილმა კარგად დაინახეს, რომ ამ სპექტაკლით ქართველი ხალხის სერიოზული ნაწილი, ადვილად დასაყოლიებელი ხდება, რათა ხმა მისცენ. ახლა ხდება მორიგი საფრთხის წარმოჩენა. ეს არ იქნება ბოლო მიმართვა. ამ მიმართვით სააკაშვილი ერთის მხრივ შეეცდება თავისიანებს შეახსენოს, რომ არფერი შეგეშალოთ, ისევ მე ვარ თქვენი ლიდერიო, მეორე მხრივ ოცნების წარმომადგენლები შეეცდებიან ამ ყველაფრის გაპიარებას, რომ აი, ისევ სააკაშვილის საფრთხე გვაქვსო. ეს სპექტაკლი ვნახეთ, მე ამის ყურებას კიდევ აღარ ვაპირებ და იმედია ასე იქნება საზოგადოება. ჩვენ საპრეზიდენტო არჩევნებზე გვჭირდება კანდიდატების პაექრობა საქართველოს სასიკეთოდ და არა ამ ტიპის გამოსვლები“, - განაცხადა დავით უსუფაშვილმა.

ვაჟა ბერიძე - გაუგებარია საზოგადოების რა ნაწილს წარმოადგენს მმართველი ძალა და ვისთვისაა „ოცნების“ ხელისუფლებაში დარჩენა სისხლხორცეულად აუცილებელი
ქართული პრესის მიმოხილვა 19.10.2019
თენგიზ ფხალაძე - ვინც ანაკლიის პორტის მიზანშეწონილობას ეჭვქვეშ აყენებს, იქნებ იმაზეც დაფიქრდეს, რატომ აჩქარებს რუსეთი ტამანში საკუთარი პორტის მშენებლობას?
აჭარული სოფლები და მთები, როგორც ოთხივე სეზონის ტურისტული პროდუქტი
სილქნეტი მედიასივრცეში გავრცელებულ ბოლოდროინდელ ბრალდებას ეხმიანება სატელეკომუნიკაციო ბაზარზე ოლიგოპოლიასთან დაკავშირებით
„ლიბერთი ბანკის“ მხარდაჭერით, ახალი, ინოვაციური ონლაინ პლატფორმა - onoff.ge შეიქმნა
„ჯიპიაი ჰოლდინგი“ ყველა ავტომფლობელს სტიქიური რისკებისგან დაზღვევას უფინანსებს