ბექა ოდიშარია - ქაოტური გარევაჭრობისა და გარერეკლამის მკაცრი რეგულირება არის საკითხი, რომელიც სწრაფადაა მოსაგვარებელი

დედაქალაქის იერსახის მოფრთხილება, ქაოტური გარევაჭრობისა და გარერეკლამის მკაცრი რეგულირება არის საკითხი, რომელიც სწრაფადაა მოსაგვარებელი, - ამის შესახებ საპარლამენტო უმრავლესობის წევრმა ბექა ოდიშარიამ განაცხადა, რომელიც ადმინისტრაციულ სამართალდარღვევათა კოდექსში დაგეგმილ ცვლილებს გამოეხმაურა.

„მივესალმები ბოლო პერიოდში გამოკვეთილ ტენდენციას, რომელიც პარლამენტისა და თბილისის მერიის ერთობლივი ინიციატივების შემუშავებაში გამოიხატება. აღნიშნული ინიციატივები მიმართულია დედაქალაქისა და მისი მცხოვრებლების ყოველდღიური ცხოვრების პირობების მკვეთრ გაუმჯობესებაზე. ჩვენ მიერ ინიცირებული ცვლილებებიც "ქართული ოცნების“ სწორი პოლიტიკის ნაწილია. დედაქალაქის მერს კახა კალაძეს აქვს ხედვა, რომლის საბოლოო მიზანია თბილისი მართლაც არა მხოლოდ შინაარსით, არამედ ფორმითა და ცხოვრების სტანდარტითაც, დაემსგავსოს ევროპული ტიპის დედაქალაქს ქართული ტრადიციული იერით. ამ თვალსაზრისით მისი იერსახის მოფრთხილება, ქაოტური გარევაჭრობისა და გარერეკლამის მკაცრი რეგულირება არის საკითხი, რომელიც სწრაფადაა მოსაგვარებელი სხვა უმნიშვნელოვანეს პრობლემებთან ერთად. დარწმუნებული ვარ, ადმინისტრაციულ სამართალდარღვევათა კოდექსში ცვლილებები ამ პროცესებზე ერთმნიშვნელოვნად დადებითად და ეფექტურად იმოქმედებს“, - განაცხადა ბექა ოდიშარიამ, რომლის კომენტარსაც პარლამენტის პრესსამსახური ავრცელებს.

საქართველოს ადმინისტრაციულ სამართალდარღვევათა კოდექსში დაგეგმილი ცვლილები მოიცავს სანქციების გამკაცრებას შემდეგი მიმართულებებით - ქალაქ თბილისის მუნიციპალიტეტის იერსახის დამახინჯება, კერძოდ, სხვადასხვა სახის წარწერის, ნახატების, სიმბოლოების თვითნებური შესრულება შენობათა ფასადებზე, ვიტრინებზე, ღობეებზე, სვეტებზე, ხე-ნარგავებზე, ფეხით მოსიარულეთა და სატრანსპორტო საშუალებების სავალ ნაწილზე, ასევე პლაკატების, ლოზუნგების, ბანერების განთავსება ისეთ ადგილებზე, რომლებიც საამისოდ არ არის გამოყოფილი.

ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ქართული პრესის მიმოხილვა 21.08.2019
ვახტანგ ძაბირაძე -  შემოდგომა იქნება ოპოზიციურ ფლანგზე ძალების ჩამოყალიბების პროცესი, ამიტომ არ მაქვს მოლოდინი, რომ ცხელი შემოდგომა გვექნება
პროექტ „ბათუმი რივიერასთან“ დაკავშირებით „სილქროუდ ჯგუფი“ განცხადებას ავრცელებს