პრემიერ-მინისტრმა გიორგი კვირიკაშვილმა მთავრობის სხდომაზე მაია ცქიტიშვილს რეგიონული განვითარებისა და ინფრასტრუქტურის მინისტრის პოსტზე დანიშვნა კიდევ ერთხელ მიულოცა და აღნიშნა, რომ მისი მომავალი საქმიანობის წარმატებაში დარწმუნებულია.
მაია ცქიტიშვილი მინისტრის რანგში მთავრობის სხდომას პირველად ესწრება.
„მაია ცქიტიშვილისთვის არის პირველი მთავრობის სხდომა ამ რანგში. მინდა მოგილოცოთ და წარმატება გისურვოთ, რაშიც აბსოლუტურად დარწმუნებული ვარ“, - მიმართა პრემიერ-მინისტრმა გიორგი კვირიკაშვილმა მაია ცქიტიშვილს.
შეგახსენებთ, რომ მაია ცქიტიშვილმა რეგიონული განვითარებისა და ინფრასტრუქტურის მინისტრის პოსტზე ზურაბ ალავიძე შეცვალა.