80 სოფლის და 1 ქალაქის გაზიფიცირება განხორციელდება

დღეს, მთავრობის სხდომაზე გამოგვაქვს საკითხი, რომელიც ეხება საქართველოს 19 მუნიციპალიტეტის 80 სოფლის და 1 ქალაქის გაზიფიცირებას, ეს არის მართლაც ძალიან მასშტაბური სამუშაო გაზიფიცირების კუთხით, - ამის შესახებ საქართველოს პრემიერ - მინისტრმა გიორგი კვირიკაშვილმა მთავრობის სხდომაზე განაცხადა.

გიორგი კვირიკაშვილის თქმით, გაზიფიცირების სამუშაოების შედეგად დამატებით, 17 517 ოჯახს მიეწოდება ბუნებრივი აირი.

პრემიერის თქმით, ეს სამუშაოები ბიუჯეტიდან 39.5 მილიონი ლარით დაფინანსდება.

„სამუშაოები განხორციელდება დედოფლისწყაროს, ქობულეთის, ლანჩხუთის, ჩოხატაურის, თერჯოლის, წყალტუბოს, ლაგოდეხის, დუშეთის, მცხეთის, სენაკის, გორის, ბოლნისის, კასპის, ხაშურის, გარდაბნის, ზუგდიდის და ხობის მუნიციპალიტეტის არაერთ სოფელში. ასევე, ქალაქ მარტვილში გაზიფიცირების გარეშე დარჩენილ უბნებში.

2013-1017 წლებში 80 000 ახალ აბონენტს, ოჯახს მიეწოდა ბუნებრივი აირი ჩვენს მიერ განხორციელებული გაზიფიცირების სამუშაოების შედეგად. ეს სამუშაოები კიდევ დამატებით ითვალისწინებს 17 517 ოჯახის გაზიფიცირებას, რაც დამეთანხმებით, რომ ძალიან მნიშვნელოვანია ჩვენი მოსახლეობის საცხოვრებელი პირობების გაუმჯობესების კუთხით“, - განაცხადა პრემიერ - მინისტრმა.

გია ხუხაშვილი - ხელისუფლების დღის წესრიგი მორგებულია არჩევნებს, სამწუხაროდ, არ ფიქრობს ეკონომიკაში სისტემური ცვლილებების განხორციელებაზე და თვითგადარჩენის რეჟიმზეა გადასული
ქართული პრესის მიმოხილვა 30.05.2020
ამირან სალუქვაძე - მიუღებელი რეალობაა - ხელისუფლებას და ოპოზიციას ერთმანეთი აწყობთ
"სილქნეტი" StopCoV ფონდში კიდევ ერთ მილიონ ლარს გადარიცხავს
სამედიცინო სერვისებზე მნიშვნელოვანი შეღავათების გაცემა დაიწყო
2 წლის შედეგებით Domenebi.ge უმსხვილესი დამოუკიდებელი რეგისტრატორია
ფინკა ბანკი - ძლიერი ფინანსური მაჩვენებლები და საერთაშორისო პარტნიორები ახალი გამოწვევების საპასუხოდ