ბათუმის საზღვაო ნავსადგურის თანამშრომლები გენერალურ დირექტორს ხვდებიან

ბათუმის საზღვაო ნავსადგურის თანამშრომლები გენერალურ დირექტორსა და მოადგილეს ხვდებიან. ბათუმის ნავსადგურის გენერალური დირექტორის მოადგილის ლევან გურგენიძის განცხადებით, ბათუმის პორტის ხელმძღვანელობა სიტუაციის განმუხტვას ცდილობს. მისივე თქმით, გამოსავალი არის ხალხთან საუბარი.

ამასთან, მისივე განცხადებით, არავითარი კრიზისი სახეზე არ არსებობს.

„არის სამუშაო პროცესი, ეკონომიკური მოცემულობა, გარკვეული ტვირთების ნაწილი, კერძოდ, თხევადი პროდუქტები ნაკლები რაოდენობითაა და შემოსავლის მოცულობა დაკლებულია, თუმცა ეს არის სამუშაო პროცესი და ვიმედოვნებთ, რომ ამ რეალობას შევცლით“, - განაცხადა ლევან გურგენიძემ.

ბათუმის ნავსადგურის თანამშრომლები მესამე დღეა აქციას მართავენ და შიმშილობენ. ისინი ხელმძღვანელობის გადადგომას ითხოვენ. მათი განცხადებით, უწყებაში რეორგანიზაცია მიმდინარეობს და მათ სამსახურის დაკარგვის მოლოდინი აქვთ. თავის მხრივ, საზღვაო ნავსადგურის ხელმძღვანელი აცხადებს, რომ ბათუმის საზღვაო ნავსადგურში რეორგანიზაცია არ მოხდება.

ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ქართული პრესის მიმოხილვა 21.08.2019
ვახტანგ ძაბირაძე -  შემოდგომა იქნება ოპოზიციურ ფლანგზე ძალების ჩამოყალიბების პროცესი, ამიტომ არ მაქვს მოლოდინი, რომ ცხელი შემოდგომა გვექნება
პროექტ „ბათუმი რივიერასთან“ დაკავშირებით „სილქროუდ ჯგუფი“ განცხადებას ავრცელებს