მიუსაფარ ცხოველთა დაცვის საერთაშორისო დღესთან დაკავშირებით, ქუთაისის მერი გიორგი ჭიღვარია ცხოველთა თავშესაფარში იმყოფებოდა. ქუთაისში ცხოველთა თავშესაფარი რამდენიმე წლის წინ დაარსდა და ის ადგილობრივი ბიუჯეტიდან ფინანსდება.
“ჩვენ გვაქვს თანამედროვე სტანდარტებით მოწყობილი ვოლიერები, სადაც ყველა პირობა დაცულია და მიუსაფარ ცხოველებს შესაბამისად უვლიან“, - განუცხადა „ინტერპრესნიუსს“ ქუთაისის მერმა გიორგი ჭიღვარიამ.
მისი თქმით, მიუსაფარი ძაღლები ადგილობრივი თვითმმართველობის განსაკუთრებულ საზრუნავს წარმოადგენს.